同自己追隨多年o既"偶像"合唱 .. "偶像"同"Fans"齊齊上電視拍 MTV .. 身型外貌不及"偶像" .. 索性唔爭 .. 勇行險著 .. 齋以淡妝扮清純示人 ! 模妨鋼琴高手亦扮得似模似樣 .. 剪接師同教佢擺 Post o既高人真係應記一功 !! 將一個三級鋼琴初哥拍到"鋼琴公主"一樣 ..

真係好似個童話故仔咁 .. 醜小鴨一夜變成天鵝 ; Fans 一朝升格成"偶像" ..
難以置信得黎 .. 又夠晒 Marketing Point ! 無怪成為全城一時佳話 ..

真係行運一條龍 .. 咁o既市道亦有經理人同唱片公司冒死為佢延續完成神話 .. 投資、透支 .. 不問回報 .. 開山劈石 .. 原為音樂稍出綿力 .. 豈知只為完一個"Fans"變"偶像"之夢 ..
"Fans"只需人前獻唱 .. 報酬、掌聲、知名度、獎項不絕而來 .. 奈何一班幕後班底竟綠葉不如 ..

要出一張專輯投資何其大 ? 幕後要參與o既人何其多 ?
除左唱, 仲有 : 曲、詞、編、監、錄、型像、攝影、封面、印刷、包裝、發行、派台、宣傳
.. 數之不盡, 個個專業 .. 但係偏偏就只係得個歌者備受潮拜推崇 ..
外面o既觀眾睇唔到、唔了解 .. 唔緊要 .. 但係作為最大既得利益者 .. 係咪應該真真正正衷心咁感激呢班辛辛苦苦成全你o既人 ??

一個美夢o既成真 .. 竟然係咁多人o既惡夢 ....